Montag, 8. September 2014

..... and the thunder rolls / oder Dunnerwedder

Gestern, am Sundoch, hab ich mir an richti faulen Doch gmachd.
Aaf der Derassen in der Hängemaddn und des bei 25° Grod im Schaddn. Auf Oomd zu hads aaf amol gschebberd und ich denk mer nu "wos fier a Vollpfosdn fängdn jedz um die Zeid is werkln oh und a nu am Sunndoch !?"
Als dann nu zwaa bis dreimol bumberd hod merki hobbela des werd doch ned a Gwidder sei.
Also raus aus der Hängemaddn und gschaud und wie mei Blig Richdung Osdn wanderd sichi ah scho wies do su richdi dunglgraublau am Himmel werd.
Iber mir nu der schennsde Doch, hellblauer Himmel, a bor Wölglie und die Sunna. Des dungelgraublau is dann immer schneller mudierd zu an .....,
ja zu an "hobbela edz gehd die Weld under"
Ich also los mein Fodo kold und erstmol a Bildla gmachd und dann schleinigsd die Derrassn aufgrahmd.
Des auframa von der Derassen häddermer schborn kenna, ausser a bor mods drumma Schlech wor nix weider. Ja und die Weld drehdsie a nu weider und ich bin heid frie, wie jeden doch wieder aufgsdanna und auf Ärberd ganga.
Ober drei odschafdn weider do hads ganz scheh zugschlogn des Gwidder, do sin die Keller vollgloffen undsoweider.
Hamer wieder amol Glig kabbd, do bei uns.
Ach so  des Bildla wolld ich eich doch nu zeign, häddi edz fasd vergessn.








Des wors dan fi heid na soch'í edz sevus und mer sicht si th
© Text und Bild, sofern nicht anders angegeben, liegen beim jeweiligen Autor des Artikels.
Artikel enthält Grafiken von:

Kommentare:

  1. wow. Auch wenn ich von dem Text nicht allzu viel verstanden habe, das Foto ist absolut beeindruckend. Lieben Gruß Sebastian

    AntwortenLöschen
    Antworten
    1. Dank dir erstmal das du dir die Zeit genommen hast um hier dein Feedback zu hinterlassen.
      Wenn du willst "übersetz" ich dir den Text gerne ins Hochdeutsche.

      th

      Löschen

Ihr Kommentar wird erst nach meiner Freigabe sichtbar.
Kommentare mit Links zu kommerziellen Seiten werden generell nicht veröffentlicht.
Leider kommt wieder vermehrt Spam, so das ich die Sicherheitsabfrage leider wieder aktivieren muß.
-----------------------